Mostraxes

A Circular do 20 de outubro de 2009 da Dirección Xeral de Ordenación e Xestión dos Recursos Mariños pretende establecer os aspectos mínimos que deben conter as solicitudes, para a realización das mostraxes e/ou prospeccións de recursos mariños vivos en augas interiores, que desexen levar a cabo as diversas entidades e que teñen como obxectivo o coñecemento do medio ou a investigación vencellada aos recursos mariños vivos. Esta circular pretende ademais axilizar e simplificar os procedementos e aclarar as constantes dúbidas, tendo en conta, ademais, a Circular do 2 de febreiro de 2005 ditada pola Subdirección Xeral de Ensino e Desenvolvemento Pesqueiro, relativa ás solicitudes de autorizacións para intervencións subacuáticas de carácter laboral, profesional ou científica de calquera tipo.

O anexo I corresponde co modelo de solicitude no que se deberán cubrir todos os datos solicitados.

O anexo II recolle a solicitude de autorización de intervención hiperbárica (procedemento 621 A), no caso de a mostraxe e/ou prospección requira do uso de técnicas de mergullo.

O anexo III recolle as normas e elementos mínimos a presentar para a obtención de permiso para a realización das mostraxes e/ou prospeccións de recursos mariños vivos en augas interiores, que desexen levar a cabo as diversas entidades.

O anexo IV recolle as normas e documentación a presentar cando a solicitude leve acompañada a autorización para intervencións subacuáticas de carácter laboral, profesional ou científica de calquera tipo.